O interese no contacto do alumnado coa natureza e a mellora da contorna é un tema recurrente en varios dos proxectos emprendidos no IES Menéndez Pidal.
Nos últimos cursos un bancal de matoxos se transformou nun horto no que traballan personal do centro e alumnado coa axuda da Fundación Paideia, o patio ten varias zonas axardinadas e nas paredes interiores e exteriores locen bonitos murais (un deles pintado pola Escuela Pablo Picasso en recordo de Isabel Zendal, retora do Hospicio que había no mesmo lugar no que agora está o instituto).
Contribuíron a estes cambios as participacións nas edicións de Voz Natura, as subvencións do Concello da Coruña, as actividades do Club de Ciencia e os proxectos de formación de profesorado financiados pola Consellería de Educación.
​
Proxectos con contidos transversais que integraban literatura, arte e natureza en varias edicións:
Todas as actividades relacionadas con este tema foron promovidas e coordinadas por Antonio Frade, vicepresidente da Asociación cultural Zalaeta e docente do centro. Colaborou no curso 19-20 Andrés Vázquez, docente do dpto de Bioloxía no centro.
​
​
O posibilidade de colaboración có CEE María Mariño que se iniciou no curso 20-21 no proxecto Deseño e Son abre moitas portas en Zalaeta, contamos con axuda de profesionais e futuro personal de Xardineiría e viveirismo. Coordina esta parte Guillermo Gil Docampo, enxeñeiro de Montes, docente no Programa Formativo de Formación Profesional Básica.
​
Abrimos outro apartado no proxecto có deseño de xardíns e de novas árbores, buscando ademais conexións entre tecnoloxías e cultura e propoñendo novas actividades.
​
Preténdese:
- Implantar no IES MENÉNDEZ PIDAL unha colección de pequenos froitos (arandos, grosellas...) e froiteiras tradicionais galegas nas zonas de xardín e hortos, seleccionando o patrón máis adecuado en función da localización elixida.
- Intercambiar material vexetal ca colección do CEE MARÍA MARIÑO a fin de enriquecer ambas coleccións botánicas
- Que o alumnado de ambos centros faga prácticas de enxerta, esgallo, repicado...
​
Contribuirase a :
- Reducir a brecha campo-cidade, recuperando os coñecementos de xestión agraria tradicional do entorno, con todo o seu contido cultural, etnográfico, social, ecolóxico...
- Divulgar o concepto de “bosque e xardín comestible”, cuxa produción non so se destina aos propietarios senón para tamén para o mantemento da fauna silvestre.
- Divulgar a idea da rendibilidade económica de estas actividades, as veces solo simbólica, para decatarse de que a ecoloxía pode e ten que autofinanciarse, sen depender de subvencións que pode haber ou non: “non hai ecoloxía sen economía”.
- Xestionar correctamente unha parcela (gandeiría-forestal-agrícola-froiteiro) tamén é ecoloxía, ademais da reciclaxe, aforrar auga na ducha e outras actividades que soamente poden facerse en ámbitos urbáns...
