Música e protocolo COVID.
Ensaios singulares
​​
-
Debido á situación de alarma sanitaria, o alumnado dos distintos centros participantes ensaian de xeito illado nas súas aulas e centros respectivos as cancións e os temas instrumentais, en ocasións usando espazos tan inusuais coma laboratorios, patios, ximnasios, etc. para garantir a distancia de seguridade, tan esencial especialmente en actividades de canto.
​
-
A pesar de todos os inconvintes, e con todas as medidas precisas....o proxecto continúa a súa marcha!
​
Creación audiovisual e musical
-
En paralelo, e conxuntamente co alumnado e a docente de de TICs de 1º de Bacharelato, elaboramos videos con pictogramas dalgunhas cancións do repertorio e que servirán de apoio visual e cognitivo dos participantes dos CEE asociados no proxecto.
​
-
A partires de imaxes seleccionadas do proxecto de viveirismo que está a traballar alumnado do CEE María Mariño, o alumnado de Música de 1º de Bacharelato compón un fondo musical e edita vídeos artísticos unindo música e imaxes.
A difusión: música de tod@s e para tod@s
-
Barallamos a posibilidade de que o alumnado dos distintos centros celebrase ensaios telemáticos pero ante a falta de medios e posibilidades de sincronización, quedou descartada, por eso usamos as redes sociais e plataformas dixitais para compartir o noso traballo e lograr unha unión, aínda que este curso sexa virtual.
-
Compartimos materiais didácticos e interpretacións cos CEE participantes a través das redes sociais, na canle de YouTube do proxecto (en distintas listas de reprodución nomeadas para cada actividade) para que todos e todas podamos cantar, practicar percusión corporal e tocar instrumentos e así implicar a todo o alumnado participante, vivindo as mismas experiencias e apoiándonos neste proceso de aprendizaxe mutuo.
.
​