Imaxinamos personas traballando xuntas
Quen somos
A Asociación cultural Zalaeta con sede no instituto público Ramón Menéndez Pidal de A Coruña propón a reedición deste proxecto de colaboración do colexio de educación especial Nosa Sra de Lourdes (Aspronaga) coa participación do CEE Elviña (Aspanaes) e axuda da ONCE.
Profesores de centros diferentes traballando con alumnado adolescente compartindo experiencias, colaborando, visibilizando realidades, integrando e aprendendo.
​
Toda a comunidade educativa e membros da Asociación se implican nesta proposta.
Proxecto
A fin de normalizar a convivencia e integración social dos mozos e mozas con diversidade funcional, a Asociación Cultural Zalaeta, promove este proxecto con dúas partes:
​
-
“Unindo Son" ou Son que une.
​​
-
“Deseño e aprendo”, aprendemos de todo e entre tod@s.
​​
Proxecto de colaboración creativa entre grupos de alumnado diversos , coordinados polo seu profesorado e abertos a toda a comunidade con actividades de integración e de divulgación.
Tecnoloxías
Colaboramos na selección, deseño e impresión de obxectos que resolvan problemas cotiáns a persoas con necesidades concretas (como os problemas de visión) coa creación dun banco de recursos público.
​
Xogamos con sons e con tecnoloxía en proxectos compartidos.
Creamos elementos (mapas táctiles, apps) para que calquera colectivo poida coñecer elementos da nosa cultura. Apps explicativas e accesibles da nosa cidade
Creamos Apps musicais e de axuda que serven para facilitar a comunicación atendendo ás necesidades.
Música e sons
Achegamos a música a mozos e mozas con diversidade funcional, en concertos informais no aula de música e mediante a interpretación conxunta de temas musicais (onde a plantilla de músicos está formada por alumnado de bacharelato e alumnado do CEE ) con posterior exhibición e difusión conxunta do traballo realizado.
​
Empregamos a tecnoloxía para crear e editar a nosa música e para realizar materiais didácticos adaptados que faciliten a lectura e comprensión das partituras.
​
​